അൽഉലാ

മരുഭൂമിയുടെ ഹൃദയഭാഗത്തുള്ള ചരിത്രരത്നമായ അൽഉല, ലോകത്തിലെ ഏറ്റവും പ്രധാനപ്പെട്ട പുരാവസ്തു വിനോദസഞ്ചാര കേന്ദ്രങ്ങളിലൊന്നാണ്.
UNESCO ലോക പൈതൃക പട്ടികയിൽ ഇടം നേടിയ ആദ്യ സൗദി പ്രദേശമായ ഹെഗ്രയിൽ (മദായിൻ സാലിഹ്) നിന്നാണ് നിങ്ങളുടെ യാത്ര ആരംഭിക്കുന്നത്. ഇവിടെ മലകളിൽ കൊത്തിയെടുത്ത ശവകുടീരങ്ങളും ജീവൻ തുടിക്കുന്ന പുരാതന നബത്തിയൻ കഥകളും നിങ്ങളെ കാത്തിരിക്കുന്നു. പ്രശസ്തമായ പ്രകൃതിദത്ത ശിലാരൂപമായ എലിഫന്റ് റോക്കും 900-ലേറെ വർഷം പഴക്കമുള്ള ഓൾഡ് ടൗണിലൂടെയുള്ള ഒരു നടത്തവും ഒരിക്കലും നഷ്ടപ്പെടുത്തരുത്.

മറായ കൺസേർട്ട് ഹാളിലെ കലാപരിപാടികൾ ആസ്വദിക്കുക, അൽഉല ഒയാസിസ് സന്ദർശിക്കുക, ദദാൻ, ലിഹ്യാൻ എന്നിവിടങ്ങൾ പര്യവേക്ഷണം ചെയ്യുക, അഷാർ താഴ്‌വരയിലൂടെ കാൽനടയാത്ര നടത്തുക എന്നിവ വേറിട്ട അനുഭവങ്ങളിൽ ഉൾപ്പെടുന്നു. സാഹസികത ഇഷ്ടപ്പെടുന്നവർക്ക് പാറകയറ്റം പരീക്ഷിക്കുകയോ ഹോട്ട് എയർ ബലൂണിൽ സഞ്ചരിച്ച് അൽഉലയുടെ മോഹിപ്പിക്കുന്ന ഭൂപ്രകൃതി ആകാശത്തുനിന്ന് ആസ്വദിക്കുകയോ ചെയ്യാം.