യാൻബു

ചെങ്കടലിന്റെ രത്നമായ യാൻബു, അതിമനോഹരമായ തീരദേശ ദൃശ്യങ്ങളെയും സമ്പന്നമായ ചരിത്രത്തെയും സമന്വയിപ്പിക്കുന്നു. വിശാലമായ ഹരിതപ്രദേശങ്ങളും ജലപാതകളും കുട്ടികൾക്കുള്ള കളിസ്ഥലങ്ങളുമുള്ള യാൻബു വാട്ടർഫ്രണ്ടിൽനിന്ന് നിങ്ങളുടെ യാത്ര ആരംഭിക്കുക. തുടർന്ന്, പ്രദേശത്തിന്റെ ഹിജാസി പൈതൃകം അടുത്തറിയാൻ പഴയ യാൻബുവിലേക്ക് പോകുക; ലോർഡ് കർസന്റെ ഭവനവും നഗരത്തിലെ ചരിത്ര മ്യൂസിയവും സന്ദർശിക്കുക.

യാൻബു ഇൻഡസ്ട്രിയൽ സിറ്റിയിലെ അതിമനോഹരമായ പവിഴപ്പുറ്റുകൾക്കിടയിൽ ഡൈവിംഗ് നടത്തുക, വൃത്തിയുള്ളതും മികച്ച സൗകര്യങ്ങളുള്ളതുമായ റോയൽ കമ്മീഷൻ ബീച്ചിൽ ഒരു ദിവസം ചെലവഴിക്കുക, ലേക്ക് പാർക്കും അൽ-ഫൈറൂസ് പാർക്കും സന്ദർശിക്കുക, അല്ലെങ്കിൽ ബോട്ട് യാത്രകളും മീൻപിടിത്തവും ആസ്വദിക്കുക എന്നിവ മറക്കാനാവാത്ത അനുഭവങ്ങളാണ്. സംസ്കാരത്തെയും കലയെയും സ്നേഹിക്കുന്നവർ രാജ്യത്തെ ഏറ്റവും പ്രശസ്തമായ വാർഷിക പുഷ്പോത്സവം കാണാതെ പോകരുത്.